Rusia ka vendosur të dëbojë konsullin e përgjithshëm të Rumanisë dhe të mbyllë konsullatën rumune në Shën Petersburg, në një lëvizje që vjen si kundërpërgjigje ndaj vendimit të Bukureshtit për të mbyllur konsullatën ruse në qytetin e Konstancës.
Lajmi u bë i ditur nga Ministria e Jashtme e Rusisë, e cila e cilësoi masën si një reagim ndaj veprimeve të autoriteteve rumune. Nga ana tjetër, Ministria e Jashtme e Rumanisë deklaroi se vendimi i Moskës ishte i pritshëm pas dëbimit të konsullit rus në Konstancë.
Tensionet mes dy vendeve u rritën pas një incidenti të ndodhur në muajin maj, kur një dron rus u rrëzua mbi një ndërtesë apartamentesh në qytetin lindor rumun të Galatit, gjatë një sulmi ajror ndaj Ukrainës fqinje.
