Neymar JR u largua nga Barcelona në verën e vitit 2017 për tu transferuar tek Paris Saint Germain për 222 milionë euro (rekord botëror). Por ylli brazilian gjithmonë ka shfaqur hapur dëshirën e tij për tu rikthyer në Camp Nou, pasi ishte penduar për largimin. Edhe Barcelona e dëshironte rikthimin e brazilianit në Cam Nou, por në fund nuk u arrit marrëveshja e shumëpritur me PSG-në. Tani është legjenda braziliane, Rivaldo i cili ditët e tij më të mira të karrierës i ka kaluar te Barcelona, që i ka thënë ish-klubit të tij ta rikthejnë Neymarin. “Barcelona duhet të vazhdoj të tentojë rikthimin e Neymarit në verën e këtij viti”.
“Ka kaluar një kohë që nga largimi i tij në drejtim të PSG-së dhe tani është koha për rikthimin e Neymarit”, tha Rivaldo. Legjenda braziliane mendon se Neymar do të ishte lojtari ideal për Barcelonën që të bëjë ndryshimin kur Messi nuk është në ditën e tij më të mirë. “Barcelona duhet të gjejë një lojtar që bënë ndryshimin kur Messi mungon ose nuk është në natën e tij më të mirë si në San Mames”. “Klubi duhet të kërkojë një lojtarë që përshtatet me Messin ose e zëvendëson atë dhe askush si Neymar nuk do të mund ta bënte këtë gjë”, ka deklaruar Rivaldo. Gjithsesi për afrimin e Neymarit ka folur së fundmi edhe drejtori i katalunasve Eric Abidal, duke thënë se rikthimi i brazilianit në Camp Nou nuk është i pamundur.
