Nga Mirela Kumbaro

Në vend të kartolinës për Tiranën time❤️ Unë kam lindur në Tiranë dhe kam jetuar bashkë me Kryeqytetin gjysmëshekullin e tij të dytë. Kemi qenë bashkë për mbi 50 vjet, në të mirë e në të keq.

Kemi udhëtuar bashkë çdo ditë në autobusin e 21-ishit deri te shkolla Kosova. Kemi ëndërruar bashkë në mbrëmjet e freskëta të rrugicave me pemë të Tiranës së re. Kemi dëgjuar fshehtas nëpër parqe muzikën e ndaluar. I jemi gëzuar bashkë mimozave të Liqenit Artificial që shoqëronin çdo vit ditëlindjen time.

Kemi vuajtur bashkë jo vetëm shtypjen por edhe paranojën e regjimit më të egër. Por nuk i kemi lënë kusur xhiros mbrëmësore të bulevardit dhe as kacavirrjes nëpër trenat e tu që na shpinin drejt plazhit të Durrësit si një zgjatim i krahut tënd drejt detit.

Në sheshin tënd qendror rrëzuam bashkë diktatorin dhe morëm përsipër të bëjmë realitet ëndrrën e Shqipërisë si gjithë Europa.

Vazhdojmë besnikërisht bashkë si një çift i pandarë. Nuk e tradhëtuam kurrë njëri tjetrën aq sa të besova rritjen e fëmijëve të mi ndërsa ti më dhe kurajon e angazhimit publik. ❗️Dhe sot dua të të them FALEMINDERIT Tirana??, jo se të zgjodha, jo se më zgjodhe, por sepse ti u hape derën dhe zemrën prindërve të mi gjirokastritë. Ata të zgjodhën ty për të më lindur dhe rritur mua.

Ti me butësinë tënde ulur këmbëkryq prej tradite, me qetësinë tënde prej fushe të gatshme për të pritur Qytetin, me buzëqeshjen tënde prej njerëzish bablokë, me etjen tënde për t’u rritur e për t’u pasuruar me kultura e prurje nga e gjithë Shqipëria, me historinë e së shkuarës tënde dhe padurimin e së ardhmes tonë të përbashkët që po e ndërtojmë bashkë për të gjithë shqiptarët e gjeneratës tjetër – ti Tirana ime, i birësove prindërit e mi dhe ata më edukuan mua me dashurinë për ty, vendlindja ime! Të ma gezosh ? vjetorin Tirana ime.

Mbase shekulli i parë ishte më i vështiri por edhe më i guximshmi!

Shekujt që vijnë t’i uroj të begatë si mendjet e shqiptarëve që të gjallojnë, të dashur si çiftet e reja që ta shtojnë energjinë, të fortë si projektet e së ardhmes që po ndërtojmë dhe europianë si ëndrra jonë që nisëm bashkë 30 vjet më parë!

Në vend të kartolinës për Tiranën time❤️ ?Unë kam lindur në Tiranë dhe kam jetuar bashkë me Kryeqytetin gjysmëshekullin e tij të dytë.??Kemi qenë bashkë për mbi 50 vjet, në të mirë e në të keq.??Kemi udhëtuar bashkë çdo ditë në autobusin e 21-ishit deri te shkolla Kosova. ??Kemi ëndërruar bashkë në mbrëmjet e freskëta të rrugicave me pemë të Tiranës së re. Kemi dëgjuar fshehtas nëpër parqe muzikën e ndaluar. I jemi gëzuar bashkë mimozave të Liqenit Artificial që shoqëronin çdo vit ditëlindjen time.??Kemi vuajtur bashkë jo vetëm shtypjen por edhe paranojën e regjimit më të egër. Por nuk i kemi lënë kusur xhiros mbrëmësore të bulevardit dhe as kacavirrjes nëpër trenat e tu që na shpinin drejt plazhit të Durrësit si një zgjatim i krahut tënd drejt detit.??Në sheshin tënd qendror rrëzuam bashkë diktatorin dhe morëm përsipër të bëjmë realitet ëndrrën e Shqipërisë si gjithë Europa.??Vazhdojmë besnikërisht bashkë si një çift i pandarë. Nuk e tradhëtuam kurrë njëri tjetrën aq sa të besova rritjen e fëmijëve të mi ndërsa ti më dhe kurajon e angazhimit publik.❗️Dhe sot dua të të them FALEMINDERIT Tirana??, jo se të zgjodha, jo se më zgjodhe, por sepse ti u hape derën dhe zemrën prindërve të mi gjirokastritë. Ata të zgjodhën ty për të më lindur dhe rritur mua.??Ti me butësinë tënde ulur këmbëkryq prej tradite, me qetësinë tënde prej fushe të gatshme për të pritur Qytetin, me buzëqeshjen tënde prej njerëzish bablokë, me etjen tënde për t’u rritur e për t’u pasuruar me kultura e prurje nga e gjithë Shqipëria, me historinë e së shkuarës tënde dhe padurimin e së ardhmes tonë të përbashkët që po e ndërtojmë bashkë për të gjithë shqiptarët e gjeneratës tjetër – ti Tirana ime, i birësove prindërit e mi dhe ata më edukuan mua me dashurinë për ty, vendlindja ime!Të ma gezosh ? vjetorin Tirana imeMbase shekulli i parë ishte më i vështiri por edhe më i guximshmi! ??Shekujt që vijnë t’i uroj të begatë si mendjet e shqiptarëve që të gjallojnë, të dashur si çiftet e reja që ta shtojnë energjinë, të fortë si projektet e së ardhmes që po ndërtojmë dhe europianë si ëndrra jonë që nisëm bashkë 30 vjet më parë!

Gepostet von Mirela Kumbaro am Dienstag, 11. Februar 2020