Ish- mesfushori i Juventusit, Claudio Marchisio ka thënë se Paul Pogba vendosi gabimisht kur la Zonjën e Vjetër për Manchester Unitedin.
Pogba vendosi të bëjë rikthimin në Old Trafford pas katër sezoneve të suksesshme me gjigantët italianë, duke u bashkuar me Unitedin në një transferim prej 105 milionë eurosh.
I pyetur në lidhje me zërat se Pogba mund të ribashkohet me Juventusin këtë verë, Marchisio ka thënë se do të ishte i lumtur.
Lexo po ashtu: Raiola: Flas shpesh me Nedvedin, një kthim i Pogbas te Juventusi është i mundur
“Do të isha shumë i lumtur po të rikthehej”, ka thënë fillimisht Marchisio për Tuttosport.
“Unë i thashë se ishte gabim të shkonte në Manchester dhe se nëse vërtet dëshironte të ndryshonte duhet të zgjidhte Spanjën”.
Lexo po ashtu: Unitedi ulë çmimin e Pogbas
“Kthimi i tij do të ishte jashtëzakonisht pozitiv, Pogba do të rilindte në mjedisin që ai e do dhe e përkëdhel më shumë”.
“Dhe ai do t’i jepte Juventusit shumë, pasi ata kanë nevojë për dikë si ai në mes: ai është një profesionist i shkëlqyeshëm”, përfundoi italiani. /Telegrafi/
