Vendi ynë karakterizohet nga kushte të qëndrueshme atmosferike duke bërë që kthjellimet të jenë prezente në të gjithë vendin përjashtuar zonat malore, të cilat gjatë pasdites dhe mbrëmjes do të kenë kalime vranësirash duke riskuar reshje shiu të izoluara në Juglindje të vendit. Sipas MeteoAlb temperaturat e ajrit rriten lehtë në mëngjes por mbeten të pandryshuara në mesditë duke luhatur vlerat ditore nga 13 deri në 36 gradë celcius. Era do fryjë mesatare me shpejtësi 28 km/h nga drejtimi Veriperëndimor duke krijuar dallgëzim 2 ballë.
