Ish-anëtari i Këshillit Kombëtar të PD, Edvin Kulluri, ka irozniaur kryetarin e Partisë Demokratike Lulzim Basha, për manipulimin e votimeve të kandidatëve për deputetë dhe për mënyrën e përzgjedhjes së këtyre të fundit. Kulluri deklaron se me kryqin te emri i kandidatit që nuk duhet të bëhet deputet, njerëzit do shkojnë të venë kryqe te emri i kryeministrit Edi Rama. Me ironi të thellë, ai thotë se në këtë mënyrë fitorja do jetë e sigurt. “Bravo Luli, bravo! Me këtë votimin me kryq te emri që nuk duan demokratët për kandidat për deputet, do shkojnë njerëzit të venë kryqe tek Edi Rama dhe kandidatët e PS! Do e nxjerrësh Ramën me 95% të votave! Fitorja do jetë e sigurt! Jepi!”, shkruan Kulluri në rrjetet sociale.
