Komisioneri për Zgjerimin dhe Fqinjësinë, Oliver Varhelyi gjatë fjalës së tij në Kuvendin e Shqipërisë ka përcjell një mesazh të qartë se Bashkimi Europian do të jetë gjithmonë përkrah vendit tonë, në mënyrë që Shqipëria të integrohet në Europë. Në fjalën e tij, Varhelyi u shpreh se Ballkani Perëndimor ka qenë dhe do jetë gjithmonë prioritet i BE për të mundësuar integrimin e plotë të rajonit. Ai tha se është arritur që të kapërcehet ngërçi që kishte në Këshillin e Ministrave të BE-së për hapjen e negociatave të Shqipërisë.
