Gjatë konferencës kryeministri Edi Rama, komentoi deklaratat e Koordinatorit për Politikë të Jashtme të Parlamentit Europian, Michael Gahler i cili në vazhdën e debateve për shpërndarjen e vaksinës anti-COVID, i kërkoi Ramës të mos përgojojë BE-në por të plotësojë kushtet për anëtarësim.
Rama tha se nuk ka pëgojuar BE por ka thënë atë që kanë thënë të gjithë përfshirë dhe presidenten e KE. Ndërkaq Rama tha se nuk e fajëson Gahler, pasi thotë se ai sipas tij ka dëgjuar fjalët që ka përhapur opozita shqiptare.
“Se njoh kush eshte ky dhe skam pse ti pergjigjem. Kur të kem kohë nëse do kem kohë do shoh të mësoj më shumë si person. Atë se njoh. Këto që rreshtove janë përrallë nga e kaluara skanë lidhje me realitetin dhe sigurisht skam asnjë koment për këtë. Ku është lidhja e këtyre me atë që kam thënë unë për vaksinën. Ku lidhen të tëra ato fabula që kemi dëgjuar si këngë nga ata që marrin informacion të njëanshëm nga shqipëria. Po ju ku hynë këtu në këtë mes.
Jeni me Shqipërinë, me domosdoshmërinë që shqiptarë të kenë vaksinën apo me kordinatorët europian që skanë asnjë lidhje me vaksinën. Ju keni hall se mos përgojohet Be., Dhe si mund të përdoret përgojimi, si mund të përdoret si term. Këto që u rreshtuan aty nga ju janë përgojime të pabazuara në fakte të vendit tonë, për këto nuk fajësoj koordinatorët e parlamentit europian, për këto e di se kush është fajtori, janë ata që nxjerrin rrugëve të botës tërë llafe për shqipërinë, dhe duan të vijnë në pushtet për njerëzit sepse sdinë të bëjnë dy llogari, unë skam përgojuar Be, por kam thënë atë që thontë të gjithë.
E dëgjoni ça po thonë në europë dhe vende të europës për vaksinën, e dëgjoni ça thotë presidentja e Ke, po përgojon europën ajo? Unë nuk flas për veten time, por dhe për tu dhe për ju. Ky është dallimi mes vendeve që kanë politikanë seriozë dhe parti serioze dhe vendeve ku politika është një cirk ku nuk mbarojnë karagjozët.
Këtë debat se krijoi shqipëria, por një qasje dritëshkurtër. Ska nevojë të mbrojë asnjë koordinator i Be, Be nga unë. E mbroj vetë më mirë Be se çdo koordinator, anglez, spanjoll, gjerman. Po qe puna për devozion dhe respekt ndaj Be e bëj vetë. Po këta janë mësuar të flasin kështu sepse për fat të keq ushqehen nga Tirana, mbështeten nga Tirana prandaj janë mësuar të flasin kështu dhe skanë minimumin jetik. Dëngla dhe dokra të pakonceptueshme, janë produkt made in albania, jo made in germany. Disinformim dhe manipulim i njëanshëm. Ça jemi ne këtu të hamë bar dhe të mos hapim gojën kur shohim para një fakt”, tha Rama.
