Bashkimi Evropian do t’u kërkojë Shteteve të Bashkuara të lejojnë eksportin e vaksinave AstraZeneca për të kompensuar vetë mungesat e furnizimit, raportoi të shtunën Financial Times.
Përveç dhënies së një numri të madh dozash, BE dëshiron që Uashingtoni të sigurojë rrjedhën e lirë të përbërësve kryesorë të vaksinës të nevojshme për prodhimin në Evropë, tha raporti i FT, cituar nga Reuters.
“Ne besojmë se mund të punojmë me Shtetet e Bashkuara për të siguruar që (…) të përmbushen plotësisht detyrimet kontraktuale të prodhuesve të vaksinave,” citoi FT të thoshte Komisionin Evropian.
Anëtarët e BE-së filluan vaksinimin në fund të dhjetorit, megjithatë, procesi është shumë më i ngadaltë sesa në vendet e tjera të pasura si MB dhe SHBA.
Si shkaku kryesor i përparimit të ngadaltë, zyrtarët përmendin problemet në furnizimin e prodhuesve,
Komisioni Evropian dhe Italia bllokuan këtë javë një dërgesë të vaksinave të koronavirusit AstraZeneca të destinuara për Australi sepse prodhuesi nuk ka arritur të përmbushë detyrimet e tij kontraktuale ndaj BE.
Prodhuesi anglo-suedez është shënjestra e kritikave nga BE për shpërndarjet e vonuara të dozave. BE ka urdhëruar 300 milion doza deri në fund të qershorit.
“Ne jemi vazhdimisht duke punuar për të përmirësuar shpërndarjen dhe shpresojmë të përmbushim pritjet për Q2,” u tha Pascal Soriot, CEO i AstraZeneca, për ligjbërësit evropianë në një seancë dëgjimore publike në shkurt.
BE gjithashtu planifikon të zgjerojë konceptin e saj të autorizimit për të eksportuar vaksina kundër COVID-19 deri në fund të qershorit, thanë të enjten dy burime të BE.
Sipas konceptit, kompanitë duhet të marrin miratim para se të eksportojnë vaksina, por ato gjithashtu mund të refuzohen nëse nuk janë në përputhje me detyrimet e tyre kontraktuale ndaj BE.
Komisioni Evropian dhe AstraZeneca nuk ishin në dispozicion për koment.
