Më herët u bë e ditur se kryeministri britanik, Boris Johnson dhe e fejuara Carrie Symonds do të martoheshin verën e ardhshme. Mirëpo, pa e ditur askush, Johnson dhe Symonds i dhanë fund beqarisë në fshehtësi të plotë ditën e djeshme.
Dasma e tyre ishte suprizë jo vetëm për mediat, por dhe për miqtë e tyre të cilët nga çifti kishin marrë ftesën për verën e ardhshme, në 2022.
Një burim i afërt pranë partneres së Johnson ka thënë se ata janë shumë të emocionuar dhe mbajtja “sekret” ka bërë ditën e tyre më të bukur.
“Ata janë shumë të emocionuar. Ishte sekreti i tyre dhe kjo e ka bërë akoma më speciale ditën”, ka thënë ajo për mediat e huaja.
Teksa ditën e sotme ka dalë fotoja e parë e çiftit më të ri, Johnson dhëndër dhe Symonds e veshur nuse me fustanin e bardhë i cili i rri kaq bukur në ditën e tyre më të rëndësishme.
Kujtojmë, se për kryeministrin kjo është martesa e tretë pas divorcit nga gruaja e dytë, Marina Wheeler, në vitin 2020.
