Sipas një studimi, një e katërta e pacientëve me Covid-19, 23.2%, vuajnë nga “Covid i zgjatur”. Gjysma e pacientëve të cilët u shtruan në spital kishin simptoma të Covid, 30 ditë ose më shumë pas infektimit.
Pesë simptomat më të zakonshme post-Covid ishin dhimbja që përfshinin 5.1% të pacientëve; vështirësi në frymëmarrje, 3.5%; hiperlipidemia, 3%; lodhje, 2.9%; dhe hipertensioni, 2.4%. Për shembull, në mesin e moshave 0 – 18 vjeç, dhimbja dhe vështirësitë në frymëmarrje ishin dy simptomat kryesore.
Organizata FAIR Health mori në studim 2 milion persona midis shkurtit dhe dhjetorit 2020. Kur bëhej fjalë për rrezikun e vdekjes 30 ose më shumë ditë pas infektimit, pacientët të cilët u shtruan në spital kishin përqindjen më të lartë të vdekjeve – 0.45% e këtyre pacientëve vdiqën.
Për pacientët simptomatikë, që nuk ishin të shtruar në spital, 0.02% e pacientëve vdiqën dhe 0.01% e pacientëve asimptomatikë gjithashtu humbën jetën. Meshkujt kishin më shumë të ngjarë të vdisnin 30 ose më shumë ditë pas diagnozës fillestare.
