Si sot 5 vjet më parë, më 19 qershor 2016, Shqipëria mundi Rumaninë me rezultatin 1-0 në ndeshjen e tretë të grupit në finalet e Europianit “Francë 2016”.
Goli historik u shënuan në minutën e 43-të të sfidës, kur Ledian Memushaj nga e djathta kroson bukur në zonë, aty ku sulmuesi Armando Sadiku godet saktë më kokë, duke mposhtur portierin rumun Tătăruşanu.
Lojtari më i mirë i ndeshjes u shpall mbrojtësi shqiptar Arlind Ajeti, kurse kapiten në këtë sfidë ishte mbrojtësi tjetër, Ansi Agolli.
Kjo fitore në fazën e grupeve të Europianit mbetet në histori si arritja më madhe në historinë e futbollit shqiptar pas kualifikimit për në Euro “Francë 2016”.
Shqipëria: Berisha; Agolli (c), Mavraj, Ajeti, Hysaj; Lenjani (Roshi 77’), Memushaj, Basha (Cana 83’), Abrashi, Lila; Sadiku (Balaj 59’).
Zëvendësuesit: Shehi, Hoxha, Veseli, Gashi, Xhaka, Cikalleshi, Aliji, Kaçe
Trajner: Gianni De Biasi
