Të sapoardhur, me avionin më të fundit këta afganë po marrin rrezet e para të diellit në buzë të Adriatikut në Shëngjin.
111 të ardhur u strehuan në një resort turistik në Shëngjin. “Unë jam 19 vjeçe, duhet të shkoj në universitet. Për të ardh në Shqipëri na u deshën dy ditë, si fillim ndaluam në Dubai, më pas direkte në Tiranë. Nuk na është thënë asgjë se sa kohë do të qëndrojmë këtu. Mbrapa kam lënë familjarë dhe miq të cilëve u rrezikohet jeta. Ndjehemi shumë mirë në Shqipëri, këtu më pëlqen çdo gjë”
Zona është e rrethuar dhe e mbikëqyrur nga Policia e Shtetit ndërsa është e ndaluar hyrja e personave të paautorizuar. afganëve po u bëhen dhe testet e kovidit.
