Qeveria britanike hoqi kufizimet jothelbësore për 32 vende të botës.
”Bangladeshi, Fixhi, Gambia, Gana dhe Malajzia janë ndër vendet për të cilat kufizimet janë lehtësuar”, theksoi Ministria e Jashtme britanike.
Britania e Madhe do të ndalojë së këshilluari britanikët që të shmangin vendet jo të listuara në listën e kuqe për arsye Covid-19, përveç në rrethana të jashtëzakonshme.
Kjo do ta bëjë më të lehtë për njerëzit që vizitojnë ato vende të kenë siguri udhëtimi.
Përpara ndryshimeve të së mërkurës, ekspertët ishin kundër udhëtimeve jothelbësore për shkak të virusit në 117 vende dhe territore.
Rekomandimet pritet të revokohen për vendet e tjera në ditët në vijim.
Ata thanë se ndryshimi i politikave pason me përmirësimin e shëndetit publik në shumë vende dhe zvogëlimin e rrezikut për qytetarët britanikë, pas fillimit të vaksinës.
