Guvernatori i Kalifornisë, Gavin Newsom publikoi qarkoren që njofton se vaksina kundër COVID-19 do të jetë e detyrueshme në të gjithë rajonin për nxënësit klasave të 7-të deri në klasën e 12-të.
Për herë të parë në SHBA, menjëherë pas miratimit nga Administrata Amerikane e Ushqimit dhe Barnave u njoftua se në shtetin e Kalifornisë vaksina kundër COVID-19 do të jetë e detyrueshme për të gjithë fëmijët mbi 12-vjeç.
Guvernatori Newsom në një shkollë në San Francisco tha se në rastin e miratimit të vaksinës për fëmijët mbi 12-vjeç do të fillohet vaksinimi i këtij grupi që nga janari 2022 dhe se fëmijët deri në klasën e 6-të do të vaksinohen gradualisht pas një miratimi të ri nga FDA.
Rreth vendimeve që kanë marrë në kuadër të përpjekjeve për vënë nën kontroll pandeminë e COVID-19, guvernatori tha se “nevojitet një luftë më e madhe për të arritur objektivin tonë”.
Në SHBA, miratim të plotë nga FDA për personat mbi 16-vjeç ka marrë vetëm vaksina kundër COVID-19 e Pfizer-BioNTech ndërsa që nga muaji maj ka leje për përdorim emergjent edhe për vaksinimin e fëmijëve të moshës 12-15 vjeç.
Për vaksinimin e fëmijëve të moshës 5-11 vjeç, shihet mundësia që leja për përdorim emergjent të lëshohet në muajin nëntor.
