Është e ndaluar të bëhen më gabime. Juventusi nuk mund të përballojë hapa të tjerë falsë për të mos humbur terren në renditjen e Serie A.
Në “Allianz Stadium” mbërrin Bologna e Thiago Motta dhe Allegri duket i gatshëm të konfirmojë 3-5-2 me Milik, i rikthyer pas skualifikimit, së bashku me Vlahovic në repartin ofensiv.
Në mesfushë Locatelli dhe Rabiot do të shihen në dy anët e Paredes, ndërsa krahët do t’i besohen De Sciglio dhe Kostic. Në mbrojtje Bremer, Bonucci dhe Danilo, para Szczesny të rikthyer mes shtyllave.
Trajneri i ri i kuqeblu, nga ana tjetër, mbështetet tek Arnautovic, i ndihmuar nga treshja Orsolini-Soriano-Sansone. Në mesfushë ka vend për tandemin Dominguez-Sanchez, ndërsa në mbrojtje çifti qendror do të përbëhet nga Medel dhe Lucumi, përpara Skorupskit mes shtyllave. De Silvestri dhe Lykogiannis do të jenë mbrojtësit e krahut.
Ja formacionet e mundshme: JUVENTUS (3-5-2): Szczesny; Bremer, Bonucci, Danilo; De Sciglio, Locatelli, Paredes, Rabiot, Kostic; Vlahovic, Milik.
BOLOGNA (4-2-3-1): Skorupski; De Silvestri, Medel, Lucumi, Lykogiannis; Dominguez, Schouten; Orsolini, Soriano, Sansone; Arnautovic.
