Administratori i klubi të futbollit “Korabi” në Dibër, Fehmi Meziu (Mëziu) ka rënë në pranga nga policia e Dibrës pasi është dënuar nga autoritetet italiane me 13 vjet burg për prostitucion.
Gjykata e Apelit në Napoli e dënoi 51-vjeçarin me 13 vjet burg për veprat penale “Shfrytëzim prostitucioni” dhe “Organizatë kriminale”. 51-vjeçari ra në pranga në qytetin e Peshkopisë, gjatë operacionit të koduar “Rezultati”. Meziu, pritet ti nënshtrohet procedurave të ekstradimit në Itali me qëllim ekzekutimin e vendimit të Gjykatës së Apelit në Napoli.
Operacioni për arrestimin me qëllim ekstradimin drejt Italisë të 51-vjeçarit u zhvillua nga FAST Albania, në bashkëpunim të ngushtë me policinë e Dibrës dhe me Interpol Tiranën.
