Zëvendëskryeministri dhe ministri i Punëve të Jashtme dhe Bashkëpunimit Ndërkombëtar, Antonio Tajani, do të kryesojë sot në Farnesina së bashku me kryeministrin shqiptar Edi Rama, takimin e dytë në nivel politik të Komitetit të Përbashkët Ekonomik Itali-Shqipëri.
Në takim do të marrin pjesë edhe Ministri i Bujqësisë, Sovranitetit Ushqimor dhe Pylltarisë, Francesco Lollobrigida; Ministri i Mjedisit dhe Sigurisë së Energjisë, Nderi Gilberto Pichetto Fratin dhe nënsekretari i Infrastrukturës dhe Transportit, Tullio Ferrante.
Nga pala shqiptare do të marrin pjesë zv.kryeministrja dhe ministrja e Infrastrukturës dhe Energjisë, Belinda Balluku, ministrja për Bujqësinë dhe Zhvillimin Rural, Anila Denaj, Ministri i Ekonomisë dhe Financave, Ervin Mete, Ministri i Shtetit për Ndërmarrjet dhe Çështjet , Delina Ibrahimaj dhe ministri për Evropën dhe Punët e Jashtme, Igli Hasani.
“Me këtë takim synojmë të konfirmojmë nivelin e shkëlqyer të marrëdhënieve ndërmjet Romës dhe Tiranës. Shqipëria është një partner strategjik i Italisë, me të cilin duam të forcojmë më tej bashkëpunimin”, tha zëvendëskryeministri Tajani, duke ritheksuar se Ballkani Perëndimor përbën një zonë prioritare për politikën jashtme italiane.
Italia është tregu kryesor i shitjes së mallrave shqiptare dhe furnizuesi kryesor në Shqipëri. Tregtia u rrit me më shumë se 16% në vitin 2022, duke tejkaluar 3.3 miliardë euro.
“Marrëdhëniet tashmë të shkëlqyera ekonomike mund të bëjnë një hap të mëtejshëm në cilësi falë edhe përfshirjes së sektorit privat tashmë të pranishëm në mënyrë të dukshme në Shqipëri.’- tha Tajan.
Punimet do të fokusohen në infrastrukturë, energji dhe agroindustri.
“Ne duam të konsolidojmë marrëdhëniet tona me Shqipërinë duke u fokusuar në forcimin e lidhjes, rrjetit të energjisë elektrike dhe zinxhirit të furnizimit bujqësor.”, përfundoi Zëvendëskryeministri.
