Mbreti Anglisë Charles, në nderimet e tija të fundvitit ka përfshirë edhe një shqiptarë.
Andi Hoxhaj, pedagog i drejtësisë në Universitetin “College of London” është nderuar me titullin “OBE- Oficer i Urdhrit të Perandorisë Britanike”.
Gazetari Top Channel, Muhamed Veliu, thotë se “ky nderim i profesor Andi Hoxhës vjen në një kohë të vështirë për komunitetin shqiptarë në Britaninë e Madhe i vendosur nën sulme kontante si nga politikanët britanik ashtu edhe gazetat tabloid”.
Gjithsesi ky është një super lajm këtë fund-viti siç edhe thotë ish profesori shqiptarë në Londër, Fabian Zhilla:
“Britania e Madhe duke nderuar origjinën dhe vendin e tij në një kohë jo të mirë për imazhin e shqiptarëve atje. Urime mik, profesionist dhe shqiptar i mirë”, thekson Fabian Zhilla.
Alastair King- Smith ambasador i Mbretërisë së Bashkuar në Tiranë thotë se “është fantastike të shikosh Dr. Hoxhën të nderohet me titullin “OBE”.
Ambasadori thekson më tej se ky nderim i është dhënë për “shërbime në marrëdhëniet mes Anglisë dhe Shqipërisë”.
“Tejet i gëzuar që puna e madhe në promovimin e partnershipit të universiteteve britanike dhe lidhja mes Britanisë së Madhe dhe Shqipërisë vlerësohet”.
Ka komentuar edhe Uran Ferizi i cili pritet të marrë postin e ambasadorit të Shqipërisë në Londër.
“E mrekullueshme dhe shumë e merituar”, thotë ai.
