Ilnisa ka shpërthyer në lot pasditen e ditës së nëntë të Big Brother VIP3, e për këtë shkak është bërë Rikja. Pranë i kanë ndënjur Meritoni dhe Bardhi, të cilët e kanë pyetur për të mësuar më tepër se çfarë ka ndodhur. Ilnisa e acaruar dhe në lot u shpreh se nuk dëshiron që as t’i afrohet RIkja, dhe jo më t’i flasë.
“Më erdhi prapë dhe më tha unë të dhashë një shans që të kuptoja se kush je nuk po i kthej përgjigje sepse je ti (i drejtohet Meritonit) . Të lutem thuaji të mos më afrohet më. Nuk guxon të më flasë njeri mua, jashtë nuk bëhet fjalë, por këtu brenda kur jashtë mendohen njerëzit 100 herë përpara se të më flasin.
Nuk guxon më, për kokë të Anaisit, kam zënë be gocën, mos ta shoh më. Nuk guxon të bëjë njerëzit të ndihen kështu, duke prekur pikën e dobët. Është shumë dinake (thotë për Riken). Paska qenë nuk e di se çfarë njeriu”, u shpreh Ilnisa në lot.
Dyshja kanë pasur shpesh debate, që në momentin që janë futur në shtëpinë e Big Borther VIP. Të dyja palët kanë shpërthyer me akuza ndaj njëra-tjetrës, duke mos arritur të gjejnë gjuhën e mirëkuptimit.
