Kryeministri Edi Rama bëri të ditur se Vlora renditet si një prej 10 destinacioneve më të lakmuara turistike në platformën globale të rezervimeve Booking për vitin 2024.
Përmes një postimi në rrjetet sociale Rama thotë se Vlora e rilindur ka rrëmbyer vëmendjen e shumë mediave ndërkombëtare për të paralajmëruar flukse të shtuara vizitorësh drejt saj këtë sezon.
“MIRËMËNGJES dhe me Vlorën e Rilindur, që është një prej 10 destinacioneve më të lakmuara turistike në platformën globale të rezervimeve Booking për vitin 2024, duke rrëmbyer vëmendjen e shumë mediave ndërkombëtare për të paralajmëruar flukse të shtuara vizitorësh drejt saj këtë sezon, ju uroj një ditë të bukur”, shkruan Rama.
Vitin që lamë pas, numri i turistëve të huaj që vizituan vendin tonë arriti në 10.1 milionë, duke shënuar një rekord historik.
