Juventusi ka uruar Max Allegrin për kalimin e vijës prej 1000 pikësh të fituara në Serie A. Falë fitores së fundit kundër Frosinone, trajneri i Juventusit ka arritur në fakt katërshifra, i vetmi në histori që e ka bërë këtë, duke marrë parasysh pikët aktuale (duke dhënë 3 pikë për fitore, të tjerët janë Liedholm, Rocco dhe Trapattoni). Për këtë klubi i ka kushtuar një mesazh të gjatë trajnerit të tij, duke e falënderuar dhe përgëzuar.
Mesazhi i Juves…
“Massimiliano Allegri u bë trajneri i parë në historinë e Serisë A, që kapërceu vijën e finishit prej 1000 pikësh (1002, duke marrë parasysh pikët reale) falë 301 fitoreve, 99 barazimeve dhe 96 humbjeve.
Kanë kaluar vetëm dy javë nga 12 shkurti 2024, që kur zoti Allegri u bë trajneri i dytë në historinë e Juventusit, sa i përket numrit të stolave të karrierës, 405, duke arritur një legjendë si Marcello Lippi (596) dhe duke u pozicionuar pas vetëm Giovanni Trapattonit.
Më pas erdhi parakalimi, me rastin e ndeshjes në transfertë në Verona ndaj Hellas në raundin tjetër të Serisë A, me një festë emocionale shoqëruese në muzeun e Juventusit ku mori pjesë i gjithë klubi. Me pankinën numër 406, trajneri i Juventusit u bë tekniku i dytë i të gjitha kohërave për nga numri i paraqitjeve.
Më pas, ndaj Frosinones, një rekord i ri që e bëri atë trajnerin e parë në historinë e ligës italiane që arrin dhe ka kaluar edhe numrin e 1000 pikëve.
Dhe në këtë rezultat ka, padyshim, shumë Juventus, sepse ka 201 fitore dhe 50 barazime, pra 653 pikë në pankinën bardhezi.
Dhe nuk mund ta mbyllim, duke mos cituar edhe një herë fjalët e Allegrit të shqiptuara me rastin e festës në muzeun e Juventusit, të martën e 20 shkurtit: “Pankinat mbajnë emrin tim, por ato duhet të ndahen me të gjithë grupin tim të punës që shpenzoi dhe shpenzon kaq shumë kohë me mua.” E njëjta gjë, pra, vlen edhe për mbi 1000 pikët e arritura vitet e fundit që e kanë bërë atë të hyjë me të drejtë në historinë e futbollit italian.
Urime, zotëri!”
