Një nga turnetë e cirkuitit ATP në Argjentinë është bërë temë diskutimi në këtë vend. Por jo për emrat që kanë zbritur në fushën e tenisit për të treguar se sa vlejnë.
Turneu ATP 250 në Kordoba nisi këtë të hënë me një ngjarje shumë të pazakontë që u regjistrua në zonën jashtë stadiumeve ku luhen ndeshjet. Në zonën e ndërtuar për tifozët ngjitur me fushat, është vendosur një ekran i madh ku ata mund të shohin ndeshjet që luhen ndërsa konsumojnë ushqimet. Por në vend të ndeshjeve, në ekran është shfaqur një… film porno.
Pamjet kanë bërë xhiron e rrjetit me shpejtësi pasi sigurisht që ishte një ngjarje e pazakontë dhe e papritur në turneun i cili hap aktivitetet vjetore për Amerikën e Jugut.
Nuk dihet ende se kush e ka vendosu filmin apo si ka ndodhur gabimi, por në vend të turneut të tenisit, tashmë të gjithë po diskutojnë për videon me pamjet që qarkullojnë gjerësisht në rrjetet sociale
#CórdobaOpen 🎾 | OK 😳.
— Nacho Castellano (@nachocaste_) February 4, 2024
