Marian Robinson, nëna e ish-Zonjës së Parë të SHBA-së, Michelle Obama, ka ndërruar jetë në moshën 86-vjeçare.
Në një deklaratë, familja e saj tha se Robinson kishte vdekur “në mënyrë paqësore” të premten në mëngjes.
Ajo kaloi pjesën më të madhe të tetë viteve të administratës së Barack Obamës 2009-2017, duke u kujdesur për dy mbesat e saj, Malia dhe Sasha, vajzat e Michelle dhe Barack Obama.
Në një deklaratë të postuar në X, dikur në Twitter, zonja Obama e quajti nënën e saj “shkëmb, gjithmonë aty për çdo gjë që duhej”.
“Ajo ishte shkëmb i qëndrueshëm për të gjithë familjen tonë dhe ne jemi të thyer në zemër që ndajmë lajmin që ajo ndërroi jetë”, ka shkruar ajo.
E lindur në vitin 1937, Robinson u rrit një nga shtatë fëmijët në Çikago, qyteti ku ajo kaloi pjesën më të madhe të jetës së saj përpara se të pranonte të vinte në Uashington DC pas fitores elektorale të zotit Obama.
