E ardhmja e Joao Felix është aktualisht e pasigurt. Pas kompletimit të huazimit te FC Barcelona më 30 qershor, sulmuesi portugez u rikthye te Atlético Madrid, ku ka kontratë deri në vitin 2029.
Megjithatë, në moshën 24-vjeçare, ai nuk duket i gatshëm të rikthehet në skuadrën madrilene, pas pjesëmarrjes në kampionatin europian.
Pavarësisht dëshirës për të qëndruar te Barça, situata financiare e Blaugranëve e bën shumë të komplikuar operacionin. I vëmendshëm ndaj situatës së sulmuesit, një klub i njohur i bashkohet dosjes për të rigjallëruar karrierën e tij.
Feliksi kthehet në shtëpi?
Orët e fundit po merr vrull hipoteza e rikthimit të lojtarit te Benfica e Lisbonës. Të martën e kaluar, burime portugeze raportuan se Benfica kishte nisur diskutimet për të rikthyer Joao Felix.
Sot gazeta ‘Record’ pohon se klubi i Lisbonës është gati të ofrojë 20 milionë euro për të marrë 50% të të drejtave të lojtarit. Ky operacion do të përfaqësonte një mundësi të shkëlqyer për Benficën, e cila shiti Joao Felix te Atletico Madrid në vitin 2019 për 127 milionë euro.
Verën e kaluar, Benfica tashmë ishte përpjekur të rikuperonte Joao Felix, por sulmuesi më pas preferoi të bashkohej me FC Barcelona. Përballë kontekstit aktual, Benfica mund të jetë klubi ideal për të rifilluar karrierën e Joao Felix.
