Kryeministri Edi Rama do të prezantojë gjatë seancës plenare të së enjtes programin qeverisës për mandatin e ardhshëm katërvjeçar. Programi synon të konsolidojë arritjet e deritanishme dhe të përshpejtojë rrugëtimin e Shqipërisë drejt anëtarësimit në Bashkimin Europian.
Sipas qeverisë, Shqipëria ka në tryezë një plan të dakordësuar me BE-në për të përmbyllur negociatat brenda dy viteve të ardhshme, duke e bërë anëtarësimin në BE një objektiv të arritshëm brenda kësaj dekade.
Pikat kryesore të programit qeverisës përfshijnë:
🔹 Ekonomia dhe financat
Ulje e borxhit publik nga 80% në 55%
Trefishim i të ardhurave për frymë
Rritje mbi dyfish e pagës mesatare
Dyfishim i Prodhimit të Brendshëm Bruto
Krijimi i 100 mijë vendeve të reja pune
Mbështetje për sipërmarrjen me politika fiskale lehtësuese
🔹 Arsimi dhe kultura
Dyfishim i numrit të nxënësve në arsimin profesional
Laboratorë inteligjentë dhe investime në infrastrukturën universitare
Rritje e pagës së mësuesve
Hapje e qendrave kulturore shqiptare jashtë vendit
Restaurim i objekteve me rëndësi historike
🔹 Shëndetësia dhe mbrojtja sociale
Trefishim i buxhetit për shëndetësinë
Rindërtimi i 400 qendrave shëndetësore dhe 53 spitaleve
Zgjerim i shërbimeve sociale dhe mbështetje për familjet në nevojë
Rritje graduale e pensioneve
🔹 Infrastruktura dhe energjia
Vazhdojnë projektet për rrugë, ura dhe tunele
Fokus te Korridori Blu dhe rrjeti hekurudhor kombëtar
Rritje e kapaciteteve prodhuese të energjisë dhe diversifikim burimesh
🔹 Mbrojtja, rendi dhe drejtësia
Investime në Forcat e Armatosura dhe strukturat e sigurisë
Krijimi i industrisë ushtarake
Digjitalizimi i sistemit të drejtësisë
Siguria rrugore dhe parandalimi i krimit në fokus
🔹 Turizmi, bujqësia dhe mjedisi
Zhvillim i turizmit elitë dhe ekologjik
Dyfishim i eksporteve bujqësore
Projekte për ujitjen dhe mbrojtjen e tokave bujqësore
Riciklimi dhe menaxhimi i mbetjeve sipas standardeve europiane
Qeveria parashikon gjithashtu përmirësimin e lidhjeve rajonale dhe zhvillimin e mëtejshëm të infrastrukturës së transportit, përfshirë ndërtimin dhe modernizimin e aeroporteve dhe porteve. Synimi përfundimtar është që Shqipëria të shndërrohet në një destinacion të sigurt, të mirëorganizuar dhe atraktiv për investime, turizëm dhe shërbime.
