Menjëherë pas fjalës së kryetarit të Partisë Demokratike, Sali Berisha, militantët janë sulur me molotov drejt efektivëve të Policisë.
Burime për Policinë e Shtetit bëjnë me dije se: si pasojë e sulmeve me molotov dhe sende të forta para Kryeministrisë dhe sulmeve para Parlamentit, janë dëmtuar dhe po marrin ndihmë mjekësore 11 punonjës policie.
Ndërkohë, grupet hetimore po vijojnë punën për dokumentimin ligjor të veprimeve të dhunshme të protestuesve ndaj punonjësve të Policisë.
Shërbimet e Policisë kanë identifikuar personat që sulmuan Policinë dhe vijon puna për shoqërimin e tyre.
