Kryeministri Edi Rama zhvilloi një takim me kryeministrin e landit gjerman Nordrhein-Westfalen, Hendrik Ëüst, gjatë vizitës së tij në Dusseldorf dhe Bochum.
Në qendër të bisedimeve ishte forcimi i bashkëpunimit mes Shqipërisë dhe Nordrhein-Westfalen, një nga rajonet më të fuqishme ekonomike dhe industriale të Gjermanisë.
Sipas Kryeministrisë, palët diskutuan mbi zgjerimin e bashkëpunimit në fusha me interes të përbashkët, si investimet, teknologjia digjitale dhe arsimi profesional, me synimin për të krijuar mundësi të reja zhvillimi dhe partneriteti.
Gjithashtu, pjesë e axhendës ishte edhe procesi i integrimit europian të Shqipërisë, ku u theksua mbështetja për rrugëtimin e vendit drejt anëtarësimit në Bashkimin Europian.
