Shkolla 9-vjeçare ‘Gosë’ në Rrogozhinë do të jetë gati të presë 355 nxënësit e saj në muajin nëntor. Kryeministri Edi Rama si dhe ministri i Ri-ndërtimit, Arben Ahmetaj u ndalën sot në kantierin e ndërtimit të kësaj shkolle ku po vijojnë me ritëm të lartë punimet. Tashmë punimet janë në përfundim të karabinasë. Shkolla do të jetë 6 herë më e madhe se ajo që u rrafshua në natën e 26 nëntorit të shkuar. Punimet vijojnë me ritme të larta për të rikthyer në shkollën e tyre 350 nxënës, që do të kenë 17 klasa, 4 laboratore, palestër, mjedise sportive e të gjelbëruara, e informoi ministri Ahmetaj kryeministrin. Drejtoresha e shkollës Gosë nga ana e saj shprehu mirënjohjen për angazhimin e qeverisë ndërsa theksoi rëndësinë e ndërtimit të saj për fëmijët e zonës. Në Bashkinë Rrogozhinë do të ndërtohen 6 shkolla të reja dhe paralelisht po punohet edhe për banesat e reja.
