Ministri i Shtetit për Rindërtimin Arben Ahmetaj, së bashku më kryetarin e bashkisë Shijak Elton Arbana, ishin sot në Xhafzotaj ku inspektuan punimet në 10 shtëpitë e para që ka nisur të rinndërtohen pas tërmetit të 26 nëntorit.
Në Xhafzotaj do të ndërtohen 233 shtëpi të reja, ndërsa puna po vijon çdo ditë në të gjithë Shijakun, për 508 shtëpi. Këto shtëpi, janë pjesë e 3400 banesave individuale që do të rindërtohen dhe shumica e familjeve të prekura nga tragjedia, ndërsa premtimi është se Vitin e Ri do ta festojnë në shtëpitë e reja.
“Ky është një aksion shpirtëror, nuk është thjeshtë të ndërtojmë shtëpi. Kjo është 1 nga 3400 shtëpitë që po ndërtohet në të gjithë zonën. Është një premtim i mbajtur sepse këto familje do të futen në shtëpi përpara 1 janarit,”-u shpreh Ahmetaj teksa ishte në një nga shtëpitë që po rindërtoheshin.
