Organizata Botërore e Shëndetësisë vazhdon të rekomandojë për momentin vaksinimin me vaksinën antiCOVID-19 të AstraZeneca, përdorimi i të cilës u pezullua nga disa vende për shkak të efekteve anësore të mundshme, në pritje që ekspertët të përfundojnë vlerësimin e tyre.
“Për momentin, OBSH thekson se ekuilibri rreziqe/përfitime anon në favor të vaksinës AstraZeneca dhe rekomandon që vaksinimet të vazhdojnë “, theksoi në një njoftim për shtyp agjencia e OKB-së duke shtuar se ekspertët, mendimi i të cilëve po pritet me padurim, të vazhdojnë të vlerësojnë të dhënat në lidhje me problemet shëndetësore të hasura tek disa persona të vaksinuar me këtë produkt./
