Ata që e kanë kaluar një herë koronavirusin kanë pak gjasa që të rinfektohen. Një studim i bërë nga universiteti i Oxford-it ka nxjerr në pah se imuniteti natyror zgjat deri në dy vjet.
“Kohëzgjatja e antitrupave është më e gjatë seç mendohej. Tipi i antitrupave për t’u mbrojtur me efektivitet kundër riinfektimit zgjat të paktën 1 vit e gjysmë, 2”, tha Alimehmeti.
Ndërkohë nga Shtetet e Bashkuara të Amerikës vjen një tjetër studim, këtë herë mbi përgjigjen qelizore. Studiuesit kanë dalë në përfundimin që të imunizuar me vaksina apo imunitet natyror, qelizat T na mbrojnë nga infektimi me një tjetër variant.
“Për të gjitha variantet nuk kemi ndryshim të përgjigjes qelizore. Pra përgjigja qelizore mbetet e njëjta”.
Rastet e riinfektimeve në të gjithë botën deri më tani kanë qenë shumë të rralla.
