Pas një beteje disaditore në luftë me zjarret, situata në rang vendi duket më e qetë. Agjencia Kombëtare e Mbrojtjes Civile thekson se kjo erdhi, “falë heronjve të heshtur, të cilët kanë punuar 24 orë pa ndërprerje me një angazhim maksimal për të normalizuar situatën dhe vazhdojnë të punojnë pa ndërprerje për shuarjen përfundimtare të vatrave të mbetura”.
AKMC shprehet se, “merita më e madhe i shkon të gjithë efektivëve dhe punojnësve të FA, Policisë së Shtetit, MZSH, forcave vendore të emergjencave civile, Shërbimit Pyjor, AZM, dhe vullnetarëve” Mbrojtja Civile, në emër të drejtorit të Përgjithshëm, Haki Çako dhe stafit të AKMC shpreh “falënderime dhe mirënjohje të thellë për të gjithë punën, vendosmërinë dhe kurajon tuaj”.
