Një ngjarje e rëndë ka ndodhur në stadiumin “Adush Muçaj” gjatë takimit të Kategorisë së Dytë mes Bylis B dhe Orikut, ku tensionet në fushë kanë përfunduar me shoqërimin e një futbollisti në polici.
Në minutën e 43-të të sfidës, lojtarët Telushi dhe Sulovari u ndëshkuan me kartonë të kuq pas një përplasjeje, por situata u përshkallëzua në dhunë fizike.
Ndërhyrja e forcave të rendit ishte e menjëhershme, ndërsa pamjet e publikuara nga “Disidentët” treguan futbollistin e Orikut, Telushi, duke u nxjerrë me forcë nga fusha drejt fugonit të policisë.
Takimi u pezullua për disa minuta deri në qetësimin e gjendjes përpara se të rifillonte. Ky incident vjen në një moment kritik të sezonit, pasi Oriku do të detyrohet të luajë pa një prej titullarëve në finalen vendimtare ndaj Butrintit.
