Nga Kimete Berisha / Ballkani i hapur – keq. Ballkani i mbyllur – keq. Me ia pranu njëri – tjetrit diplomat e universitetit – keq. Mos me ia pranu njëri-tjetrit diplomat e universitetit (siç nuk i pranon Serbia) – keq. Me udhëtu në Sebi me letërnjoftim – mirë.Me pranu që udhëtojmë veç me letërnjoftim në Serbi (siç udhëtojmë) – keq.
M’u vaksinu shqiptarët e Kosovës në Rashkë – mirë.Me pranu që shqiptarët e Kosovës janë vaksinuar kundër Covid-19 në Serbi -keq.Me ua pagu serbëve të veriut rrymën e papaguar ndër vite -mirë.Me ua fal shqiptarëve borxhet e rrymës – keq.
Me u dhënë rroga pa punuar paramilitarëve të Urës së Ibrit – mirë.Me u dhënë rroga pa punuar shqiptarëve – keq.Me pranu negociata për Kosovën me Vuçiqin – lejohet.
Me dëgju këngë serbe – nuk është e moralshme, madje as vargjet ‘drvena mi dvokolica, žena mi je vračarica…’Reciprociteti me Serbinë – i keq.
Bllokat e Serbisë – të mirë. Lindja – e keqe. Dostoevsky – i mirë. As Tchaikovsky nuk ka behane.
Kina – e keqe.Konfuçi – i mirë. Sun Tzu të mëson ta fitosh luftën pa pasur nevojë të luftosh, ama kot, mbasi nuk është shqiptar!
Lindja – ‘e keqe’. Pranimi i shtetit të Kosovës nga Izraeli – i mirë!Lindja, nga politika shqiptare gjithmonë prezantohet si diçka – ‘e keqe’, ‘nivel i ulët’, ‘pa kulturë’, anipse prej Lindjes ka ardhur Zoti në Perendim, përveç pambukut!
Asnjë Religjion nuk ka lindur në Perendim! Shqipëria – e keqe, pa Albin Kurtin. Edi Rama – i keq, sepse po e ‘pavarëson’ Shqipërinë nga ‘dashuria e sëmurë’ e Kosovës, dhe sidomos është i keq Edi Rama sepse po ia bën rrafsh Albin Kurtit, aq rrafsh sa as emrin s’ia përmend!
(Është me rëndësi të madhe nëse nuk ia përmend emrin kundërshtarit – se nëse ia përmend emrin -e legjitimon, e pranon si të barabartë).
Me Vuçiqin – takohet në Bruksel, pa kërkuar Vuçiqi falje për krimet serbe ndaj shqiptarëve.
Me Vuçiqin – nuk takohet në Shkup, sepse Vuçiqi nuk ka kërkuar falje për krimet serbe ndaj shqiptarëve.
Në Bruksel s’ka dert që Vuçiqi s’kërkon falje, ama nē Shkup kërkimfalja e Vuçiqit është jetike, pra rëndësia s kërkimfaljes së Serbisë ndaj Kosovës varet nga vendi.
Amerika – e mirë.Marrëveshja e Washingtonit – e keqe!Sali Berisha – i mirë.Bideni që e shpalli Sali Berishën ‘të keq’ – i mirë.
P.S. Çka po pi kështu kohëve të fundit?!
